Փայծաղ. բուժե՞լ, թե՞ հեռացնել

Ինձ մոտ բժիշկներն ախտորոշել են փայծաղի մեծացում և առաջարկում են հեռացնել այն: Սակայն ես չեմ ցանկանում վիրահատվել: Ժողովրդական ի՞նչ միջոցներ կան դրա դեմ:  Գ.Նալբանդյան, ք.Երևան

Ամենից առաջ, փայծաղն արյունաստեղծ օրգան է և այդ մասին ոչ մի դեպքում չի կարելի մոռանալ: Ու, չնայած բուժաշխատողները մշտապես պացիենտներին ներշնչում են, թե փայծաղն այնքան էլ կենսական կարևոր օրգաններին չի դասվում և, որ դրա բնածին բացակայությունը կամ էլ վիրահատության միջոցով հեռացումը խոր հետք չի թողնում օրգանիզմի կենսունակության և աճի վրա, այնքան էլ ճիշտ չէ: Մարդու մոտ իրենց տեղում պետք է լինեն բնության կողմից տրված բոլոր օրգանները և, յուրաքանչյուր օրգան ունի իր կենսական նշանակությունը:

Գիտականորեն հաստատված փաստ է, որ մարդկանց գրեթե 50%-ի, ում մոտ մանկական հասակում հեռացվել է փայծաղը, կյանքի տևողությունը կազմում է ընդամենը 50 տարի: Փայծաղի հեռացման հետ կտրուկ նվազում է օրգանիզմի պաշտպանական հատկությունները, դրսևորվում մրսածության, ծանր բորբոքային հիվանդությունների նկատմամբ բարձր հակվածություն:

Հիվանդություններն ընթանում են սուր կերպով և հաճախ ուղեկցվում արյան վարակմամբ (սեպսիս): Փայծաղի հեռացումը հանգեցնում է նաև իմունիտետի իջեցմամբ, որի ամրապնդման համար ամբողջ կյանքում հարկ է ընդունել դեղպատրաստուկներ` անցանկալի հետևանքներից խուսափելու համար: Եվ ստացվում է այնպես, որ ապրելու համար հարկ է ամեն օր պայքարել: 

Օրգանիզմում ոչ մի օրգան ավելորդ չէ և բոլորն էլ փոխկապակցված են միմյանց հետ: Փայծաղի հիվանդություն հազվադեպ է հանդիպում, սակայն, քանի որ փայծաղն արյունաստեղծ օրգան է, անհրաժեշտ է վերականգնել դրա գործառույթը և ճիշտ աշխատանքը, հատկապես, արյունատար համակարգի միջոցով:

Փայծաղի բուժման կարևոր բաղադրատարրերից են մեղվի մայրական կաթն ու ակնամոմը:

Մի շտապեք վիրահատության գնալ: Ժողովրդական բժշկությունը մի քանի բաղադրատոմսեր է առաջարկում այս կենսական կարևոր օրգանի բուժման համար: Ինքնստինքյան, յուրաքանչյուր վիրահատություն արյան կորուստ է, առավել ևս փայծաղը: Հեռացնելով այն մարդը մշտապես տառապում է օրգանիզմում արյան անբավարարությունից:

Ի դեպ, հարկ է նշել, որ լյարդը նույնպես արյունաստեղծ օրգան է և, եթե փայծաղը հեռացվի, ապա պատկերացրեք, թե ինչպիսի ծանրաբեռնվածություն կընկնի լյարդի վրա:

• Փայծաղի հիվանդությունների կանխարգելման համար շատ օգտակար է մասուրը: 2 ճաշի գդալ չոր պտուղների վրա լցնել 1 բաժակ եռացրած ջուր, թրմել թեյի պես և խմել օրական 3 անգամ, ուտելուց հետո:
• Հավասար քանակությամբ վերցնել վաղենակի և հազարտերևուկի ծաղիկները: 20 գ խառնուրդի վրա լցնել 0,5 լ եռացրած ջուր, թրմել 40րոպե, քամել: Ընդունել օրը 2 անգամ, 0,5 բաժակ, ուտելուց 20 րոպե առաջ:
• Մանր քերիչով անցկացնել բազուկը, գազարն ու բողկը և դրանցից հյութ քամել: Հավասար քանակությամբ հյութը լցնել մուգ գույնի ապակյա շշի մեջ և 3 ժամով դնել միջին ջերմաստիճանի ջեռոցում: Ընդունել օրական 3 անգամ, 1-ական ճաշի գդալ: Բուժման կուրսը 2-3 ամիս է:
• 1 թեյի գդալ մանրացրած օշինդրի վրա լցնել 2 բաժակ եռացրած ջուր, 20-40 րոպե թրմել տաք տեղում, քամել: Փայծաղի հիվանդության ախտանիշների դեպքում թուրմն ընդունել օրական 3 անգամ, 1/4 բաժակ, ուտելուց 30 րոպե առաջ: Համի լավացման համար կարելի է մի քիչ մեղր ավելացնել:

Հարցեր, պատասխաններ, մեկնաբանություններ